У Лёндане тысячы чалавек выйшлі на марш з патрабаваньнем вынесьці дамову пра развод з ЭЗ на рэфэрэндум, паведамляе BBC.
«У нас простае патрабаваньне: за народам павінна застацца апошняе слова ў тым, што тычыцца Brexit», — кажуць арганізатары.
Да раніцы суботы пэтыцыя брытанцаў да парлямэнтe з патрабаваньнем адмяніць Brexit набрала 4 мільёны подпісаў.
Удзельнікі маршу рухаюцца ад Гайд-парку ў бок Парлямэнцкай плошчы.
Аналягічнае шэсьце кампанія People's Vote арганізавала ў кастрычніку. На арганізацыю цяперашняй акцыі тады ўдалося сабраць 779 тысяч фунтаў.