У сталіцы Сэрбіі Бялградзе ўдзельнікі акцыі пратэсту каля рэзыдэнцыі прэзыдэнта краіны заблякавалі ўваходы ў будынак і атачылі яго з усіх бакоў.
Каля будынка прысутнічае і паліцэйскі спэцназ, аднак пакуль ён не прымяняе сілу да пратэстоўцаў.
Thousands of anti-govt protesters are currently manning all sides of the Serbian Presidency, blocking the entrances.#1od5miliona pic.twitter.com/y2a7LO7GRx
— Balkan Insight (@BalkanInsight) March 17, 2019
Прэзыдэнт Сэрбіі Аляксандар Вучыч, паводле апошніх паведамленьняў, знаходзіцца ў будынку. Раней ён даў у ім прэсавую канфэрэнцыю, паабяцаўшы прыцягнуць да адказнасьці ўдзельнікаў акцыі пратэсту, якія напярэдадні ўварваліся ў будынак нацыянальнага тэлебачаньня.
Некалькі дзесяткаў актывістаў вывеў з будынка паліцэйскі спэцназа, ужыўшы сілу, у тым ліку і да дэпутатаў парлямэнту.
An anti-govt protester inside Serbian public broadcaster RTS shouts through a megaphone: “We’re going live”. Head of right-wing Dveri party Bosko Obradovic is among the crowd.#1od5miliona pic.twitter.com/Hmxb82o0eb
— Balkan Insight (@BalkanInsight) March 16, 2019
Вучыч абвінаваціў сваіх палітычных праціўнікаў у гвалце і беспарадках. Лідэры пратэсту — Башку Обрадавіча з нацыяналістычнай партыі «Дзьверы» і Драгана Джыласа, былога мэра Бялграду, ён назваў «фашыстамі» і карупцыянэрамі. Ён таксама назваў недапушчальным замах на свабоду прэсы.
Менавіта прадузятасьць дзяржаўнага тэлебачаньня — як сьцьвярджаюць удзельнікі акцый пратэсту — прывяла іх да спробы «штурму» будынка тэлерадыёкампаніі. Прадстаўленьне ім эфіру — адно з патрабаваньняў прыхільнікаў апазыцыі.
Масавыя акцыі супраць Вучыча, якога абвінавачваюць у карупцыі і аўтарытарызьме, праходзяць у Бялградзе па суботах ўжо некалькі месяцаў. Іх арганізуе шырокая кааліцыя апазыцыйных партый і грамадзкіх актывістаў.
Scenes from outside the Serbian Presidency in Belgrade, where thousands of #1od5miliona protesters are currently gathered. pic.twitter.com/u26zjTV0J4
— Balkan Insight (@BalkanInsight) March 17, 2019