Сем чалавек загінулі і 25 шпіталізаваныя ў выніку аварыі аўтобуса на аўтадарозе «Калуга-Вязьма» ў Калускай вобласьці Расеі.
Аўтобус вёз дзіцячы ансамбаль на танцавальны конкурс у Калугу. Сярод загінулых чацьвёра — дзеці. Усяго ж у аўтобусе ехалі 48 чалавек: 33 дзяцей і 15 дарослых.
Серьезная авария с автобусом под Калугой. Погибли детиhttps://t.co/fWc7IQlWlw pic.twitter.com/jwEjElIggx
— Главный региональный (@glavnytv) February 3, 2019
Паводле папярэдніх дадзеных, кіроўца ня даў рады кіраваньню і перакуліў аўтобус у кювэт. Цяпер ён дае паказаньні, распачатая крымінальная справа.
Як паведамляе МНС Расеі, выратавальная апэрацыя на месцы ДТЗ завершана.
Аўтобус належаў індывідуальнаму прадпрымальніку.