Ніколь Белубэ, міністар юстыцыі Францыі, 31 студзеня абвясьціла аб тым, што мае намер паўдзельнічаць у «Вялікіх дэбатах» са зьняволенымі францускіх турмаў.
«Я паспрабую прыняць удзел у некалькіх „Вялікіх дэбатах“, у прыватнасьці, у турмах. Я вельмі станоўча да гэтага стаўлюся», — заявіла Ніколь Белубэ ў інтэрвію радыёстанцыі RTL.
Аб правядзеньні «Вялікіх дэбатаў» прэзыдэнт Эманюэль Макрон абвясьціў у адказ на пратэсты «жоўтых камізэлек», нагадвае RFI.
ГЛЯДЗІЦЕ ТАКСАМА: У Парыжы выклік «жоўтым камізэлькам» кінулі «чырвоныя хусткі»Паводле задумкі прэзыдэнта, падчас гэтых кансультацыяў, якія павінны працягнуцца да 15 сакавіка, усе ахвотныя грамадзяне Францыі змогуць выказацца аб праблемах, якія яны лічаць значнымі і зрабіць прапановы наконт далейшага разьвіцьця краіны.
Прэзыдэнт даў старт дэбатам 15 студзеня.