У горадзе Чжанцзякоў на паўночным усходзе Кітаю ў выніку выбуху і пажару паблізу хімічнага заводу загінулі 22 чалавекі, яшчэ столькі ж параненыя, паведамляюць мясцовыя ўлады.
Агнём зьнішчана 50 аўтамабіляў — грузавых і легкавых.
Прычына выбуху пакуль ня высьветленая.
22 killed and another 22 injured in a blast occurred early Wednesday morning near a chemical plant in N China%27s Zhangjiakou City pic.twitter.com/ewy6Hu5QGb
— China Xinhua News (@XHNews) 28 November 2018
Паводле інфармацыі агенцтва Reuters, разьмешчаны побач зь месцам здарэньня хімічны завод, уладальнікам якога зьяўляецца дзяржаўнае прадпрыемства, спыніў працу. Яго прадстаўнік пацьвердзіў, што выбух адбыўся не на самім заводзе.
У 2015 годзе ў выніку выбуху ў прамысловай зоне гораду Цяньцзінь ў Кітаі загінулі 165 чалавек.