Суд у Кіеве дазволіў былому прэзыдэнту Ўкраіны Віктару Януковічу выступіць з апошнім словам з бальнічнага ложку. Чарговае пасяджэньне суду па справе пра дзяржаўную здраду прызначаны на 5 сьнежня, перадае карэспандэнт тэлеканалу «Настоящее время» з залі суду.
Днямі Віктара Януковіча паклалі ў адну з маскоўскіх клінік. Як паведамляюць расейскія СМІ, ён пашкодзіў хрыбетнік і калена, калі гуляў у тэніс.
ГЛЯДЗІЦЕ ТАКСАМА: Пракуратура Ўкраіны хоча пасадзіць Януковіча на 15 гадоў за дзяржаўную здрадуЯнуковіч уцёк у Расею пасьля масавых пратэстаў у Кіеве. Яго вывезьлі расейскія спэцслужбы.
Ва Ўкраіне Януковіча абвінавачваюць у дзяржаўнай здрадзе, датычнасьці да расстрэлу пратэстоўцаў на Майдане, адмываньні грошай, карупцыі, незаконным зьмяненьні канстытуцыі і стварэньні арганізаванай злачыннай групоўкі.
68-гадовы Януковіч віны не прызнае і ў суд ехаць не зьбіраўся.