На знакамітым аўкцыёне Sotheby’s выставяць калекцыю камянёў, сабраную на Месяцы ў 1970 савецкай бесьпілётнай касьмічнай місіяй. Чакаецца, што калекцыю прададуць за цану ад 700 тысяч да мільёна даляраў.
Аўкцыён адбудзецца ў Нью-Ёрку 29 лістапада.
Гэтыя камяні — адзіная вядомая задакумэнтаваная калекцыя зь Месяца, якая знаходзіцца ў прыватнай уласнасьці. Сярод узораў — фрагмэнты базальту, падобныя да вульканічных пародаў на Зямлі.
Калекцыю прадае ананімны прыватны калекцыянэр, які набыў яе ў 1993 годзе ў Ніны Каралёвай, удавы былога кіраўніка амэрыканскай касьмічнай праграмы Сяргея Каралёва. Савецкія ўлады падарылі камяні Каралёвай на знак прызнаньня заслугаў яе мужа.