Дзяржаўная Дума 27 верасьня прыняла ў трэцім і канчатковым чытаньні закон аб павышэньні пэнсійнага ўзросту ў Расеі.
Другое чытаньне законапраект прайшоў напярэдадні. Тады дэпутаты падтрымалі прэзыдэнцкую папраўку, згодна з якой для жанчын ўзрост выхаду на пэнсію падвысяць да 60 гадоў, а не да 63, як прапаноўвалася першапачаткова.
Цяпер закон павінны ўхваліць Савет Фэдэрацыі і прэзыдэнт Уладзімір Пуцін.
Законапраект аб павышэньні пэнсійнага ўзросту выклікаў акцыі пратэсту па ўсёй Расеі, якія працягваюцца зь сярэдзіны лета.
ГЛЯДЗІЦЕ ТАКСАМА: Чаму расейцы пратэстуюць супраць падвышэньня пэнсійнага ўзросту, а беларусы маўчаць