«У нас перакручаны матрыярхат». Гарачая дыскусія праціўніц і прыхільніц закону пра гвалт у сям’і

Чаму і ў каго выклікае засьцярогі распрацаваны МУС закон «Аб папярэджаньні гвалту ў сямʼі»? Ці можа зварот Каардынацыйнай Рады грамадзкіх прасямейных сілаў Беларусі да кіраўніка краіны паўплываць на прыняцьце альбо істотныя зьмены ў будучым законе? Якія галоўныя аргумэнты прыхільнікаў і праціўнікаў закону? Абмяркоўваюць Алена Ярашэвіч, куратарка праекту «За жыцьцё» дабрачыннага фонду імя прападобнай Эўфрасіньні Полацкай, кіраўніца цэнтру падтрымкі сямʼі і мацярынства «Матуля» Вера Сярдзюк, журналістка, блогерка, у мінулым ахвяра хатняга гвалту Наста Захарэвіч і заснавальніца і кіраўніца праекту «Гендэрны маршрут» Ірына Саламаціна.