Больш за 330 амэрыканскіх газэтаў выйшлі 16 жніўня з рэдакцыйнымі артыкуламі ў абарону свабоды прэсы — у адказ на абвінавачаньні прэзыдэнта Дональда Трампа ў тым, што прэса дае «фальшывыя навіны», і на ягоную заяву аб тым, што журналісты зьяўляюцца «ворагамі» амэрыканскага народу.
Сёньня ж прэзыдэнт ЗША адказаў сваім крытыкам у Twitter:
There is nothing that I would want more for our Country than true FREEDOM OF THE PRESS. The fact is that the Press is FREE to write and say anything it wants, but much of what it says is FAKE NEWS, pushing a political agenda or just plain trying to hurt people. HONESTY WINS!
— Donald J. Trump (@realDonaldTrump) August 16, 2018
Больш за ўсё я хачу для нашай краіны сапраўднай свабоды друку. Насамрэч прэса вольная пісаць і паведамляць усё, што захоча, аднак вельмі многае з таго, што яна паведамляе — гэта фэйкавыя навіны, якія накіраваныя на дасягненьне палітычных мэтаў або проста на нанясеньне шкоды людзям. Сумленнасьць перамагае!
Раней сёньня прэзыдэнт Трамп таксама напісаў у Twitter:
THE FAKE NEWS MEDIA IS THE OPPOSITION PARTY. It is very bad for our Great Country....BUT WE ARE WINNING!
— Donald J. Trump (@realDonaldTrump) August 16, 2018
Мэдыя фэйкавых навінаў — гэта апазыцыйная партыя. І гэта вельмі кепска для нашай вялікай краіны... Але мы пераможам!