Ахвярамі авіякатастрофы ў Швайцарскіх Альпах сталі 20 чалавек. Пра гэта паведамілі ў мясцовай паліцыі.
Самалёт Junkers-52 часоў Другой сусьветнай вайны зьнік з радараў учора. Калекцыйная машына належала авіякампаніі JU-Air, якая пэрыядычна праводзіла на ім экскурсіі над Альпамі. Кампанія заявіла аб часовым прыпыненьні палётаў.
Прычына здарэньня высьвятляецца. Вядома, што самалёт урэзаўся ў гару на вышыні амаль 2500 мэтраў. Паводле паліцыі, самалёт ня быў абсталяваны чорнымі скрынямі. Гэта ўскладніць расьсьледаваньне. У раёне авіякатастрофы працуюць ратавальнікі.