Дакладная колькасьць вывезеных парэшткаў не называецца, але вядома, што ў гэтай вайне Злучаныя Штаты страцілі целы каля 5300 вайскоўцаў у лягерах для ваеннапалонных і на месцах бітваў.
Паўночная Карэя вярнула парэшткі меркавана амэрыканскіх салдатаў, якія ваявалі ў пачатку Карэйскай вайны, паведамляе BBC са спасылкай на свайго карэспандэнта ў Сэуле.
Факт таксама пацьвердзіў прэзыдэнт ЗША Дональд Трамп у сваім твітэры. Паводле ягонай інфармацыі, самалёт вылецеў з Пхэньяну на вайсковую базу ў Асане, Паўднёвая Карэя. Там 1 жніўня пройдзе ўрачыстая цырымонія. Трамп падзякаваў кіраўніку КНДР Кім Чэн Ыну.
The Remains of American Servicemen will soon be leaving North Korea and heading to the United States! After so many years, this will be a great moment for so many families. Thank you to Kim Jong Un.
— Donald J. Trump (@realDonaldTrump) 27 июля 2018 г.
Незразумела, ці ўсё астанкі належаць амэрыканскім салдатам — для гэтага будуць праводзіцца экспэртызы. Дакладная колькасьць вывезеных парэшткаў не называецца.
Агулам у Карэйскай вайне Штаты страцілі целы каля 5300 вайскоўцаў на месцах бітваў і ў лягерах для ваеннапалонных. Паводле зьвестак Пэнтагону, паўночнакарэйскія чыноўнікі паказалі ў мінулым, што ў іх ёсьць парэшткі 200 вайскоўцаў ЗША.
Thousands of soldiers from the US air base and their families are lining the route to welcome the fallen soldiers home. Over 5000 US soldiers remain unaccounted for in North Korea after the war. The remains will be tested to check they are Americans. pic.twitter.com/SskSWIHKxO
— Laura Bicker (@BBCLBicker) 27 июля 2018 г.
Аб рэпатрыяцыі парэшткаў лідэры ЗША і КНДР дамовіліся падчас саміту ў Сынгапуры ў чэрвені.
Што варта ведаць пра саміт лідэраў ЗША і КНДР
***
Карэйская вайна — канфлікт паміж Паўночнай і Паўднёвай Карэяй, які доўжыўся з 25 чэрвеня 1950 па 27 ліпеня 1953 году (хоць афіцыйнага заканчэньня вайны абвешчана не было).
Часта гэты канфлікт часоў халоднай вайны разглядаецца як апасродкаваная вайна паміж ЗША зь іх саюзьнікамі і сіламі КНР і СССР. У склад паўночнай кааліцыі ўваходзілі: Паўночная Карэя і яе ўзброеныя сілы; кітайская армія (паколькі афіцыйна лічылася, што КНР у канфлікце не ўдзельнічала, рэгулярныя кітайскія войскі фармальна лічыліся злучэньнямі так званых «кітайскіх народных добраахвотнікаў»); СССР, які таксама афіцыйна ня ўдзельнічаў у вайне, але шмат у чым ўзяў на сябе яе фінансаваньне, а таксама забесьпячэньне кітайскіх войскаў. З боку Поўдня ў вайне бралі ўдзел Паўднёвая Карэя, ЗША, Вялікая Брытанія, Аўстралія і шэраг іншых краінаў у складзе міратворчых сілаў ААН.
ЗША ўжо вярталі частку парэшткаў паміж 1990-м і 2005 годам, але пасьля таго, як Пхэньян пачаў актыўна распрацоўваць ядзерную зброю, праграму рэпатрыяцыі згарнулі.
Паводле зьвестак Пэнтагону, паўночнакарэйскія чыноўнікі паказалі ў мінулым, што ў іх ёсьць парэшткі 200 вайскоўцаў ЗША. Больш за 36500 салдатаў ЗША загінулі ў выніку канфлікту.