Службы бясьпекі Армэніі вылучылі супраць былога прэзыдэнта краіны Робэрта Качар'яна абвінавачаньне ў «зрынаньні канстытуцыйнага ладу» у сувязі зь ягоным загадам здушыць пратэсты апазыцыі ў 2008 годзе. Тады загінулі 10 пратэстоўцаў, каля 200 былі параненыя.
Спэцыяльная сьледчая служба Армэніі 26 ліпеня дапытала Качар'яна і зьвярнулася да суду ў Ерэване з запытам, каб былога прэзыдэнта ўзялі пад варту.