Надзвычайны і Паўнамоцны пасол Польшчы ў Менску Артур Міхальскі сустрэўся зь міністрам замежных справаў Беларусі Ўладзімерам Макеем.
Пра ўручэньне міністру копіяў даверчых грамат польскі дыплямат напісаў па-беларуску ў сваім Твітары.
Сёння я ўручыў копіі даверчых грамат Міністру замежных спраў Рэспублікі Беларусь Уладзіміру Макею і пачну працу ў якасці Пасла Польшчы ў Беларусі pic.twitter.com/gAfQdC76Gg
— Artur Michalski (@michalski_artur) June 12, 2018
17 траўня кіраўнік МЗС Польшчы Яцэк Чапутовіч уручыў Міхальскаму прызначэньне, а празь некалькі дзён прэзыдэнт Анджэй Дуда зацьвердзіў Артура Міхальскага на пасадзе амбасадара Польшчы ў Беларусі.