Сядзіба ля вёскі Маргі
Your browser doesn’t support HTML5
Мы працягваем падарожнічаць па аграсядзібах сапраўднага цэнтру Эўропы, вакол возера Шо. Каб даведацца, чым гатовыя зьдзівіць беларусаў і гасьцей краіны аграгатэльеры. Каля вёскі Маргі, на лясной паляне разьлеглася вялікая сядзіба “Утріна”. Ад самой яе назвы вее такім рускім духам, што ехаць ня вельмі хацелася. Але ва “Утріне” пахне ня Русьсю, а хутчэй індзейскай Амэрыкай. Гаспадар сядзібы, Раман Мельнічэнка, нарадзіўся ў Калініградзе, жыў у Маскве. Але разам з братам і маці вярнуўся на яе радзіму. На Глыбоччыну. Каб пабудаваць гаспадарку на прынцыпах пермакультуры! Дзе дызайн грае ня меншую ролю за паліў і праполку.