Прэзыдэнт ЗША Дональд Трамп заявіў у сераду, што трое амэрыканцаў, затрыманыя раней у Паўночнай Карэі, ляцяць дадому разам зь Дзяржаўным сакратаром Майкам Пампэа, які быў зь візытам у Пхэньяне. Дональд Трамп таксама паведаміў, што асабіста прыбудзе на авіябазу Эндрус, каб сустрэць Пампэа і трох амэрыканцаў карэйскага паходжаньня, якіх утрымлівала КНДР.
I am pleased to inform you that Secretary of State Mike Pompeo is in the air and on his way back from North Korea with the 3 wonderful gentlemen that everyone is looking so forward to meeting. They seem to be in good health. Also, good meeting with Kim Jong Un. Date & Place set.
— Donald J. Trump (@realDonaldTrump) 9 мая 2018 г.
«Рады паведаміць вам, што Дзяржсакратар Майк Пампэа знаходзіцца ў паветры на зваротным шляху з Паўночнай Карэі з трыма выдатнымі джэнтэльмэнамі, сустрэчы зь якімі ўсе так чакаюць. Яны, здаецца, у добрым здароўі», — напісаў Трамп у Twitter.
Трое амэрыканскіх грамадзян карэйскага паходжаньня Кім Донг Чул, Тоні Кім і Кім Хак Сонг былі затрыманыя ў Паўночнай Карэі і знаходзіліся ў зьняволенні працяглы час.