Рэгіянальныя ўпраўленьні Сьледчага камітэту і Міністэрства ўнутраных спраў Расеі закупілі абсталяваньне для ўзлому найноўшых мадэляў смартфонаў. Інфармацыю пра гэта на сайце дзяржаўных закупак выявіла расейская служба Бі-бі-сі.
Праваахоўныя структуры праз пасярэднікаў закупілі прадукцыю ізраільскай кампаніі «Cellebrite», якая спэцыялізуецца на ўзломе смартфонаў, у тым ліку і найноўшых iPhone X. Вытворца сьцьвярджае, што тэхналёгія дазволіць спампоўваць з гаджэта фатаграфіі, гісторыю званкоў і перапіску ў мэсэнджэрах.
У 2016 годзе Сьледчы камітэт Расеі афіцыйна пацьвердзіў, што супрацоўнікі ведамства выкарыстоўваюць у сваёй працы тэхналёгіі для ўзлому сучасных смартфонаў.