Прэзыдэнт ЗША Дональд Трамп паведаміў, што Цэнтральнае разьведвальнае ўпраўленьне ўзначаліць Джына Гаспэл.
«Джына Гаспэл стане новым дырэктарам ЦРУ, і першай жанчынай на гэтай пасадзе. Віншую ўсіх!», — напісаў Трамп у Твітэры.
Mike Pompeo, Director of the CIA, will become our new Secretary of State. He will do a fantastic job! Thank you to Rex Tillerson for his service! Gina Haspel will become the new Director of the CIA, and the first woman so chosen. Congratulations to all!
— Donald J. Trump (@realDonaldTrump) 13 marca 2018
На працу ў ЦРУ Джына Гаспэл прыйшла ў 1985 годзе. У лютым 2017 года яна была прызначаная на пасаду намесьніка дырэктара ЦРУ.
Паводле паведамленьняў газеты «The Washington Pos» Гаспэл у свой час узначальвала сакрэтную турму ЦРУ ў Тайляндзе, у якой амэрыканскія ваенныя ўжывалі імітацыю ўтапленьня адносна двух чалавек, якіх падазраюць у сувязях з тэрарыстычнай групоўкай «Аль-Каіда».