Быкаў. Жоўты пясочак. Частка 1

Сьцяна. Старонкі нявыдадзенай кнігі Васіля Быкава. Пад такой рубрыкай увесну 1997 годзе на хвалях Беларускай службы Радыё Свабода пачалі гучаць фрагмэнты кнігі, унесенай у плян выдавецтва „Мастацкая літаратура“, але потым выкінутай адтуль. У той год Аляксандар Лукашэнка актывізаваў працэс „аб’яднаньня“ Беларусі і Расеі, нацыянальная культура спазнала ціск, пра які ўжо забылася за гады Адраджэньня пачатку 90-ых. Проза Быкава ня ўпісвалася ў ідэалягічны кантэкст. Васіль Уладзімеравіч перадаў рукапіс у Прагу, і супрацоўнікі Свабоды чыталі ягоную прозу. А для музычнага афармленьня мы выбралі „Песьню Сольвэйг“ Эдварда Грыга.