«Пачакуны», коцікі, калядныя алені — адзіная беларуская фабрыка ў Беларусі выпускае аўтарскія цацкі на ялінку. Радыё Свабода наведала вытворчасьць і даведалася, як працуюць беларускія «памочнікі Сьвятога Мікалая» на фабрыцы, дзе «сьвята» круглы год.
Тры гады таму калекцыянэр Андрэй Бягун адкрыў фабрыку «Грай». Цяпер на ёй сорак чалавек вырабляюць 50 тысяч цацак за год.
У сьнежні 2017 году на фабрыцы ўжо пачынаецца пара падрыхтоўкі да Новага 2019 году. У плянах — зрабіць і прадаць цацак у два разы болей, чым сёлета.