Лідэр Хрысьціянска-дэмакратычнага зьвязу, канцлер Нямеччыны Ангела Мэркель пагадзіліся на «вялікую кааліцыю» зь левымі сацыял-дэмакратамі (СПД), каб пакласьці канец палітычнага крызісу ў краіне.
«У нас ёсьць цьвёрды намер мець эфэктыўны ўрад», — заявіў прадстаўнік ХДЗ, кансэрватыўны лідэр зямлі Шлезьвіг-Гальштэйн Даніэл Гюнтэр 26 лістапада пасьля чатырохгадзіннай сустрэчы лідэраў ХДЗ у Бэрлін на фоне спробы заканадаўцаў сфармаваць кааліцыю пасьля выбараў 24 верасьня.
Лідэр СПД Марцін Шульц раней заявіў, што яго партыя ня увойдзе ў вялікую кааліцыю з ХДЗ і яго саюзьнікамі з ХСЗ, але потым усё ж перагледзеў сваю пазыцыю.
Паводле апошняга сацыялягічнага апытаньня, 52 адсоткі немцаў падтрымліваюць вялікую кааліцыю.
Многія аналітыкі асьцерагаюцца, што новыя выбары могуць павялічыць парлямэнцкае прадстаўніцтва вельмі правых партый, якія выступаюць супраць мігрантаў.