У анэксаваным Крыме затрымалі некалькіх крымскіх татараў, адна з затрыманых — 82-гадовая Вэджые Кашка — памерла. Пра гэта паведамляе праект Радыё Свабода «Крым. Реалии».
Усяго ў чацьвер супрацоўнікі ФСБ і МУС Расеі затрымалі траіх крымскіх татараў. Яшчэ ў некалькіх прайшлі ператрусы. Для Вэджые Кашка пасьля затрыманьня ў цэнтры Сімферопаля выклікалі «хуткую дапамогу», вэтэран крымска-татарскага руху памерла ў бальніцы.
ФСБ рэгулярна праводзіць у анэксаваным Крыме ператрусы і затрыманьні крымскіх татараў. Праваабаронцы лічаць дзеяньні спэцслужбы палітычна матываванымі — прадстаўнікі крымска-татарскага народу выступалі супраць далучэньня паўвострава да Расеі.