7,27% выступілі супраць, паведамляе ВВС.
Усяго ў рэфэрэндуме ўзялі ўдзел каля 3,3 мільёна чалавек, гэта прыкладна 72% выбарнікаў.
Лідэр ірацкіх курдаў Масуд Барзані заявіў, што вынікі галасаваньня не прывядуць да неадкладнага абвяшчэньня незалежнасьці, але павінны адкрыць дзьверы для перамоваў.
Курдзкія лідэры перакананыя ў тым, што зараз у іх ёсьць мандат на вядзеньне перамоваў з Багдадам аб аддзяленьні.
Рэфэрэндум выклікаў жорсткую крытыку ірацкага ўраду і суседніх з Іракам краінаў. Багдад да апошняга моманту патрабаваў яго адмены.
«Рэфэрэндум павінен быць адменены. Неабходна пачаць дыялёг у рамках канстытуцыі. Мы ніколі не ўступім у перамовы па выніках рэфэрэндуму», — заявіў напярэдадні галасаваньня прэмʼер-міністар Іраку Хайдэр Абадзі.
«Мы ўсталюем ірацкія законы па ўсёй тэрыторыі Курдыстану ў адпаведнасьці з канстытуцыяй», — паабяцаў ірацкі прэмʼер, выступаючы перад членамі парлямэнту. Ірацкі парлямэнт заклікаў урад краіны накіраваць войскі ў Курдыстан, каб узяць пад свой кантроль найважнейшыя нафтавыя радовішча на курдзкай тэрыторыі.
Іракскія ўлады запатрабавалі ад замежных урадаў зачыніць свае дыпляматычныя місіі ў Арбіл, сталіцы Курдыстану.
Новы ваенны канфлікт?
Многія асьцерагаюцца, што рэфэрэндум у ірацкім Курдыстане прывядзе да новага рэгіянальнага канфлікту.
Дэлегацыя ірацкіх вайскоўцаў, паведамляе Рэйтэр, ужо адправілася ў Іран для каардынацыі захадаў у адказ.
Іран і Турэччына таксама пярэчаць аддзяленьню Курдыстану. Днямі іх арміі пачалі сумесныя вучэньні ў памежных з Курдыстанам раёнах. Ірак таксама правёў сумесныя з Турэччынай ваенныя манэўры.
Раней ЗША, Вялікабрытанія і міжнародная кааліцыя, якая змагаецца з групоўкай «Ісламская дзяржава», папрасілі адкласьці рэфэрэндум на два гады. Прэзыдэнт ірацкага Курдыстану Масуд Барзані сказаў, што адкладаць рэфэрэндум было занадта позна.