Па стане на 16 гадзін 25 верасьня 10-гадовы Максім Мархалюк, які больш як тыдзень таму зьнік у Белавескай пушчы, ня знойдзены. Пошукі працягваюцца.
Пра гэта паведамляецца на сайце ўпраўленьня ўнутраных спраў Гарадзенскага аблвыканкаму.
Цяпер хлопчыка шукаюць на забалочанай мясцовасьці, а таксама паўторна праглядаюць сухія ўчасткі лесу, якія ўжо раней былі правераныя.
Прыярытэтнай вэрсіяй застаецца тая, што хлопчык згубіўся ў лесе і што цяпер ён там.
У пошуках бяруць удзел каля паўтысячы міліцыянтаў, валянтэры шукальніцка-ратавальных атрадаў і мясцовае насельніцтва.