Ці забаранілі ва Ўкраіне расейскую мову?

Прэзыдэнт Украіны Пятро Парашэнка падпісаў закон «Аб адукацыі», які ўводзіць ўкраінскую мову ў якасьці абавязковай для навучаньня ў дзяржаўных школах, пачынаючы зь пятай клясы. Ці сапраўды новы ўказ Парашэнкі забараняе расейскую мову, як пра гэта паведамляюць маскоўскія СМІ? Якую рэакцыю выклікаў ён ва ўкраінскім грамадзтве і якія палітычныя наступствы могуць мець? Ці не атрымаюць у выніку козыры прарасейскія сілы? Пра гэта ў перадачы “Сёньня на Свабодзе” – аглядальнік ўкраінскай службы Радыё Свабода Наталка Чурыкава, а таксама Юры Дракахруст і Сяргей Навумчык.