Слова «Вяйшнорыя» імгненна сталася мэмам пасьля брыфінгу пра беларуска-расейскія вучэньні «Захад-2017».
«Беларускія вайсковыя начальнікі, самі таго не падазраючы, запусьцілі інфармацыйную рэакцыю, якая хутчэй за ўсё прывядзе да стварэньня віртуальнай дзяржаўнасьці Вяйшнорыі», — піша на сваё старонцы ў фэйсбуку палітоляг Pavel Usov.
На брыфінгу начальнік генштабу беларускага войска генэрал-маёр Алег Белаконеў прэзэнтаваў мапу Беларусі, дзе тэрыторыя ўмоўнага праціўніка названая «Вяйшнорыя». Тэрыторыя цягнецца ўздоўж межаў Беларусі з часткай Польшчы, з Літвой і часткай Латвіі.
«Мапа варожай нам Вяйшнорыі, зь якой сабраліся ваяваць доблесныя саюзныя войскі на вучэньнях Захад-2017, супадае... з электаральнай мапай Пазьняка 1994!», — адзначае эканамічны аналітык Serge Chaly.
Насуперак палітычнаму кіраўніцтву і Беларусі, і Расеі, у байнэце Вяйшнорыю многія відавочна не ўспрымаюць як штосьці варожае. Беспрэцэдэнтны па маштабах бум жартаў у беларускім сеціве трывае і нарастае.
Вось ужо прапануюць атрымаць пашпарт грамадзяніна Вяйшнорыі.
Многія абмяркоўваюць варыянты цішотак на «Вяйшнорскую тэматыку»
Публіцыст і паэт Стась Карпаў прапанаваў верш:
«Пад танкам рускім рыю норы я.
Мне вораг бачны без пазнак!
Квітней, жыві мая Вяйшнорыя.
Радзіма. Радзіна. Пазьняк!»
Журналіст і блогер Ales Piletski абыгрывае словы з «Золотого Телёнка»:
«Пры слове „Вяйшнорыя“ фэйсбук хваравіта застагнаў. Усе пагаджаліся стаць грамадзянамі Вяйшнорыі хоць зараз. Вяйшнорыя лічылася цудоўным, высокакультурным месцам».
Журналіст і рэдактар Zmicier Pankaviec абыгрывае спрэчку «Беларусі» і «Белоруссии»: «Пішам правільна і запамінаем. Вяйшнорыя, ня Вейшнарусія».
У твітэры зьявілася Міністэрства замежных спраў Вяйшнорыі. І нават акаўнт «Прэзыдэнта Вяйшнорыі». А ў Вікіпэдыі стварылі адмысловую старонку пра Вяйшнорыю.
Не згаворваючыся адразу некалькі юзэраў перафразавалі вядомыя словы Кастуся Каліноўскага пра Беларусь:
— Каго любіш?
— Люблю Вяйшнорыю.
— Дык узаемна!
Палітоляг Pavel Usov тлумачыць на сваё бачаньне папулярнасьці Вяйшнорыі:
«Вяйшнорыя — гэта мроя пра нармальную краіну — палітычная сублімацыя. Гэта ўсё тое добрае, чаго цяпер няма ў Беларусі, гэта пазытыўнае яе (Беларусі — РС) адлюстраваньне».
«Дзе набыць вайшнаванку?» — тым часам пытаюцца ў сеціве.
Яшчэ:
А ведаеце, чаго нашай з вамі #Вейшнорыя не хапала? Герб і сьцяг ёй не прыдумалі. Давялося ўзяцца самому https://t.co/YamZqIvgUj#Вейшнория pic.twitter.com/eS77JVYux7
— Alaksandar Arsionaŭ (@Marnatrauny) August 30, 2017
#Вейшнорыя абвяшчае частковую мабілізацыю. Заклікаем далучацца добраахвотнікаў з братэрскіх краінаў! pic.twitter.com/xa7XyZB3Ac
— МЗС Вейшнорыі (@Vaisnoria_MFA) August 30, 2017
Официально: гражданину РБ Белоконеву Олегу Алексеевичу 1965 г.р. с 30.08.2017 въезд на территорию Вейшнории ЗАПРЕЩЕН #Вейшнорыя #Veisnoria pic.twitter.com/GSTrlwEqDC
— МЗС Вейшнорыі (@Vaisnoria_MFA) August 30, 2017
От имени Мuд Роисси объявляем об установлении дипломатических отношений с Республикой Вейшнорией: Вiтаем Вас, сябры! pic.twitter.com/MVcVe5eDNC
— Мuд Роисси (@Fake_MIDRF) August 30, 2017
#Вейшнорыя #Запад2017 pic.twitter.com/YaJgjyWsCy
— Алiна (@_j87) August 30, 2017
Для генэрала краiна вайнаДля нефармала краiна турмаДля панславiста краiна аднаАле для большасцi краiна Вейшнорыя!@Vaisnoria_MFA
— Andre le Boshèl (@AndrewBoshel) August 30, 2017
Беларусь і #Вейшнорыя 😀 pic.twitter.com/nnLClnjSR3
— Николай (@Kolyan_1955) August 30, 2017