У дакладзе Амэрыканскай мэтэаралягічнай супольнасьці гаворыцца, што ўжо 3 гады запар глябальнае пацяпленьне дасягае рэкордных паказчыкаў. Дадзеныя дакладу заснаваныя на такіх паказчыках, як тэмпэратура паверхні сушы і акіяну, узровень мора і канцэнтрацыя «парніковых газаў» у атмасфэры.
Дасьледаваньні праводзілі каля 500 навукоўцаў з больш чым 60 краінаў, якія вывучылі дзясяткі тысяч замераў, зробленых рознымі незалежнымі групамі.
Днямі ЗША пачалі працэдуру выхаду з Парыскага пагадненьня ў барацьбе з глябальнымі зьменамі клімату. Раней прэзыдэнт Дональд Трамп заяўляў, што амэрыканскі ўрад гатовы зноў уступіць у дамову, але на асаблівых умовах: скарачэньне выкіду ў атмасфэру двухвокісу вугляроду праводзіцца з улікам забесьпячэньня эканамічнага росту і энэргетычнай бясьпекі.