Невядомыя замазалі дзьвюхмоўныя польска-беларускія дарожныя паказальнікі ў гміне Ворля на Беласточчыне: на трасе Ворля — Дубічы Царкоўныя і пры ўезьдзе ў вёску Рудуты. Прычым спрэем зафарбаваныя толькі беларускія часткі паказальнікаў, паведамляе Radio Białystok.
Жыхары Рудутаў кажуць, што замазаныя знакі яны бачылі ўжо ў пятніцу (30 чэрвеня), аднак паведамілі пра здарэньне ў паліцыю толькі ў панядзелак.
Гэта ня першы акт вандалізму ў гміне Ворля. У 2012 годзе нехта замаляваў больш за дзясятак дзьвюхмоўных паказальнікаў. Нядаўна ў Ворлі была зьнішчаная шыльда з назвай вуліцы Чырвонай Арміі.