Суд Заводзкага раёну Менску адмяніў адтэрміноўку пакараньня сацыяльнаму актывісту Зьмітру Паліенку. Проста з будынку суду Зьмітра Паліенку адвезьлі адбываць 2-гадовае пакараньне.
12 кастрычніка 2016 году ўдзельнік акцыі раварыстаў «Крытычная маса» Зьміцер Паліенка быў асуджаны да двух гадоў з адтэрміноўкай. Яго прызналі вінаватым у нападзе на міліцыянта і распаўсюдзе парнаграфічных матэрыялаў праз інтэрнэт.
Пасьля прысуду Зьміцер Паліенка ня раз удзельнічаў ў вулічных акцыях і атрымліваў розныя тэрміны арышту. 7 красавіка суд адмяніў адтэрміноўку па ранейшым прысудзе.