Прэзыдэнт ЗША Дональд Трамп напісаў у твітэры пра магчымасьць зьмены законаў аб паклёпе ў сувязі з публікацыямі газэты The New York Times.
У сваім допісе ў твітэры Трамп абвінаваціў выданьне ў няправільным асьвятленьні яго палітычнай дзейнасьці. «Яны мяне перакручваюць поўныя два гады. Памяняць законы аб паклёпе?»
The failing @nytimes has disgraced the media world. Gotten me wrong for two solid years. Change libel laws? https://t.co/QIqLgvYLLi
— Donald J. Trump (@realDonaldTrump) March 30, 2017
Да свайго допісу Трамп прымацаваў спасылку на калёнку ў газэце The New York Post. У тэксьце артыкула падвяргаюцца крытыцы паведамленьні The New York Times пра меркаваныя сувязі яго паплечнікаў з Расеяй.
У лютым Трамп назваў шэраг амэрыканскіх СМІ, у тым ліку газэту The New York Times, ворагамі народа. Да гэтага ён неаднаразова папракаў некаторыя зь іх у распаўсюдзе лжывых навінаў. На сваёй першай прэс-канфэрэнцыі на пасадзе прэзыдэнта ЗША Трамп абвінаваціў тэлеканал CNN ў распаўсюдзе фальшывых навінаў і адмовіўся адказваць на пытаньні іх журналіста.