Гэта элітнае фарміраваньне валодае вялікім уплывам у Іране.
Адміністрацыя прэзыдэнта Дональда Трампа разглядае прапанову, якая можа прывесьці да ўнясеньня іранскага Корпусу вартавых Ісламскай рэвалюцыі ў сьпіс тэрарыстычных арганізацый, паведамляе "Голас Амэрыкі" са спасылкай на блізкія да справы крыніцы.
Паводле крыніц, па гэтай прапанове ўжо праводзіліся кансультацыі зь некалькімі ведамствамі.
Раней ЗША ўвялі санкцыі супраць фізычных і юрыдычных асоб, зьвязаных з Корпусам вартавых Ісламскай рэвалюцыі.
КВІР зьяўляецца самым уплывовым органам бясьпекі Ірана, кантралюе важныя сфэры іранскай эканомікі і валодае моцным уплывам на палітычную сыстэму краіны.