Вынікаў гутаркі з асаблівай цікавасьцю чакаюць у Маскве і эўрапейскіх краінах, бо некалькімі днямі раней распаўсюджваліся здагадкі пра магчымую адмену амэрыканскіх санкцыяў супраць Расеі.
After speaking with Chancellor Merkel for 45 minutes @POTUS is now onto his 3rd of 5 head of government calls, speaking w Russian Pres Putin pic.twitter.com/RPAWIgcO2C
— Sean Spicer (@PressSec) 28 января 2017 г.
У пятніцу, на сумеснай прэс-канфэрэнцыі Дональда Трампа і брытанскага прэм’ер-міністра Тэрэзы Мэй, прэзыдэнт ЗША заявіў, што аб скасаваньні санкцыяў супраць Расеі «гаварыць пакуль зарана». Аднак пазьней, размаўляючы з журналістамі, Трамп зрабіў заяву, якая пакідае месца для здагадак, што пазыцыя Вашынгтона можа зьмяніцца. Прэзыдэнт ЗША літаральна сказаў (цытата): «Мы паглядзім як пойдуць справы».
Адначасова, 27 студзеня, зьвярнула на сябе ўвагу заява Кэліэн Конуэй, дарадцы Трампа, пра тое, што ў Белым доме разглядаюць пытаньне аб зьняцьці санкцый.
Паведамляецца, што перад размовай з Пуцінам, Трамп размаўляў з прэм'ер-міністрам Японіі Сіндзо Абэ і канцлерам Нямеччыны Ангелай Мэркель.