Старэйшы дарадца прэзыдэнта ЗША Дональда Трампа Кэліэн Конуэй заяўляе, што адмена санкцый супраць Расеі «разглядаецца».
Пра гэта яна сказала 27 студзеня ў камэнтары Fox News, адказваючы на пытаньне аб заплянаванай на суботу тэлефоннай размове Трампа з прэзыдэнтам Расеі Ўладзімірам Пуціным.
Прэзыдэнт ЗША Дональд Трамп і яго расейскі калега правядуць свой першы тэлефонны дыялёг 28 студзеня.
Getting the most out of the 1st full week- tomorrow @potus will speak by phone with leaders of France, Germany and Russia
— Sean Spicer (@PressSec) January 27, 2017
Як напісаў у Твітэры прэс-сакратар Трампа Шон Спайсэр, прэзыдэнт ЗША правядзе перамовы па тэлефоне зь лідэрамі Расеі, Нямеччыны і Францыі — Уладзімірам Пуціным, Ангелай Мэркель і Франсуа Аляндам.