Абраны прэзыдэнт ЗША Дональд Трамп заявіў, што не дазволіць непаважліва ставіцца да Ізраілю. У сваім твітэры Трамп заклікаў Ізраіль «датрываць» да яго інаўгурацыі, прызначанай на 20 студзеня 2017 году.
Паводле словаў Трампа, ЗША заўсёды былі «выдатным сябрам» для Ізраілю, але сытуацыя зьмянілася пасьля заключэньня ядзернай угоды з Іранам, якую крытыкавалі ў Тэль-Авіве. Сёлета 16 студзеня былі адменены санкцыі, якія ўводзіліся ў апошнія гады ў сувязі з падазрэньнямі ў імкненьні Тэгерана распрацаваць ядзерную зброю.
We cannot continue to let Israel be treated with such total disdain and disrespect. They used to have a great friend in the U.S., but.......
— Donald J. Trump (@realDonaldTrump) December 28, 2016
not anymore. The beginning of the end was the horrible Iran deal, and now this (U.N.)! Stay strong Israel, January 20th is fast approaching!
— Donald J. Trump (@realDonaldTrump) December 28, 2016
23 сьнежня Рада бясьпекі ААН прыняла рэзалюцыю з патрабаваньнем да Ізраілю спыніць пашырэньне габрэйскіх паселішчаў на палестынскіх тэрыторыях. За дакумэнт прагаласавалі 14 з 15 краінаў-чальцоў Рады, ЗША ўстрымаліся. Такім чынам Вашынгтон ўпершыню за доўгія гады ня стаў блякаваць антыізраільскі дакумэнт. Кіраўнік Ізраілю Біньямін Нэтаньягу рэзка выказаўся ў адрас адміністрацыі ЗША, абвінаваціўшы яе ў таемнай змове з палестынцамі.