Прэзыдэнт ЗША Барак Абама падкрэсьліў, што імкнецца дасягнуць мірнага ўрэгуляваньня ва Ўкраіне шляхам перамоваў, перш чым пакіне свой пост у студзені.
Пра гэта амэрыканскі лідэр заявіў 20 лістапада ў сталіцы Пэру Ліме падчас прэс-канфэрэнцыі па выніках саміту групы Азіяцка-Ціхаакіянскага эканамічнага супрацоўніцтва (АЦЭС).
«Я пераконваў яго (Пуціна — рэд.) даручыць сваім удзельнікам перамоваў працаваць з Францыяй, Нямеччынай, Украінай, каб убачыць, што мы можам атрымаць да канца майго тэрміну», — распавёў Абама пра зьмест кароткай размовы з прэзыдэнтам Расеі Ўладзімерам Пуціным.
Абама ў гэтай гутарцы з Пуціным таксама раскрытыкаваў ролю Ірану і Расеі ў грамадзянскай вайне ў Сырыі.