Прэзыдэнт Украіны Пятро Парашэнка правёў тэлефонную размову з абраным прэзыдэнтам ЗША Дональдам Трампам. Пра гэта паведамляецца на сайце прэзыдэнта Ўкраіны.
Парашэнка павіншаваў Трампа зь перамогай на прэзыдэнцкіх выбарах і запэўніў ў гатоўнасьці да актыўнага супрацоўніцтва з новай адміністрацыяй у інтарэсах умацаваньня стратэгічнага партнэрства.
Прэзыдэнт Украіны адзначыў важнасьць працягу рашучай падтрымкі Ўкраіны з боку Вашынгтону ў супрацьдзеяньні расейскай агрэсіі і ажыцьцяўленьні неабходных рэформаў. Суразмоўцы дамовіліся пра працяг кантактаў, у тым ліку пра правядзеньне двухбаковай сустрэчы.
Парашэнка запрасіў Трампа зьдзейсьніць візыт ва Ўкраіну ў зручны час.
