51-гадовы Эндру Бак, які моцна пацярпеў у бойках ангельскіх і расейскіх заўзятараў на чэмпіянаце сьвету ў Францыі, і пра якога СМІ пісалі як пра забітага, выйшаў з комы.
Пра гэта піша ВВС.
Інфармацыя пра сьмерць выявілася непраўдзівай. Паводле брата пацярпелага, Бак у шпіталі змог расплюшчыць вочы і паварушыў плячыма.
Пра сьмерць заўзятара паведамлялі расейскі консул у Францыі Данііл Болтакс і кіраўнік арганізацыі расейскіх футбольных фанатаў Аляксандар Шпрыгін.
На іх словы спасылаліся расейскія агенцтвы ТАСС і «Интерфакс».
Свабода са спасылкай на interfax.ru таксама напісала пра гэты выпадак.
Але інфармацыя выявілася памылковай, за што просім прабачэньня.