Ва Ўсясьветны дзень вышыванкі, які адзначаўся 19 траўня, прэм'ер-міністар Канады Джастын Трудо апрануўся ў вышываную кашулю і сфатаграфаўся ў канадзкім парлямэнце.
Само сьвята было створанае ня так даўно: ідэю 10 год таму падала студэнтка з Чарнаўцоў Лэся Варанюк. І калі ў першы год вышыванкі сынхронна надзела толькі некалькі дзясяткаў чалавек у адным унівэрсытэце, праз пару год сьвята адзначала ўся Ўкраіна, а сёлета Дзень вышыванкі адзначалі шмат дзе ў сьвеце, у тым ліку і ў Беларусі.