Суд прызнаў Мэджліс экстрэмісцкай арганізацыяй.
Вярхоўны Суд анэксаванага Расеяй Крыму забараніў Мэджліс крымска-татарскага народа, прызнаўшы яго экстрэмісцкай арганізацыяй.
Такім чынам быў задаволены запыт крымскага пракурора Натальлі Паклонскай, якая абвінаваціла Мэджліс ў антырасейскай дзейнасьці на карысьць Захаду.
Адказчык па гэтай справе — першы намесьнік кіраўніка Мэджліса крымскіх татараў Нарыман Джэлялаў заявіў, што члены Мэджлісу будуць падаваць апэляцыю.
Раней Украіна, ЭЗ і ЗША і міжнародныя праваабаронцы выказвалі абурэньне ў сувязі з рашэньнем расейскіх уладаў ўнесьці прадстаўнічы орган крымскіх татараў у сьпіс экстрэмісцкіх арганізацый.
Супраць цяперашняга і ранейшага лідэраў Мэджліса — дэпутатаў Вярхоўнай Рады Ўкраіны Рефата Чубарава і Мустафы Джемілева распачатыя крымінальныя справы расійскімі ўладамі, якія абвінавачваюць іх у дачыненьні да энэргетычнай блякады паўвыспы.
10-13 адсоткаў амаль двухмільённага насельніцтва Крыма — крымскія татары.