На аўдыенцыю да папы патрапілі ліквідатары, што прыехалі ў Рым на канфэрэнцыю да 30-й гадавіны Чарнобылю. Сярод іх восем чалавек зь Беларусі разам з Мітрапалітам Менска-Магілёўскім Тадэвушам Кандрусевічам.
«Зноў узносячы малітвы за ахвяраў гэтай катастрофы, мы выказваем нашу ўдзячнасьць выратавальнікам, а таксама ўдзячнасьць за ўсе ініцыятывы, накіраваныя на тое, каб аблегчыць пакуты і зьменшыць наступствы», — сказаў папа.
Сьвяты пасад раней таксама блаславіў будаўніцтва новай беларускай грэка-каталіцкай капліцы ў Лёндане, прысьвечанай 30-годзьдзю Чарнобыльскай аварыі.