DDoS-атакі пачаліся прыкладна а 12 гадзіне 3 кастрычніка. У сувязі з гэтым пэўны час былі недаступныя і працавалі зь перабоямі сайты naviny.by і belapan.by.
Кампанія абяцае зрабіць усё магчымае, каб узнавіць поўнавартасную працу сайтаў.
«DDoS-атака на вылічальную сыстэму звычайна зьдзяйсьняецца хакерамі з мэтай давесьці яе да спыненьня, то бок стварыць такія ўмовы, пры якіх легальныя карыстальнікі сыстэмы ня могуць атрымаць доступ да сыстэмных рэсурсаў», — гаворыцца ў паведамленьні кампаніі.
Таксама пра праблемы з доступам да сайту tut.by паведамляюць карыстальнікі папулярнага партала.