Жыхары вёскі Грабава Данецкай вобласьці, на тэрыторыі якой у ліпені 2014 зваліўся малайзійскі «Боінг», самастойна ўсталявалі помнік ахвярам крушэньня.
На таблічцы, замацаванай на камені, напісана «Памяці загінулых 298 чалавек. Нявінным ахвярам грамадзянскай вайны».
Hrabove, where #MH17 fell. Memorial donated by local Donetsk man says 298 died here, "innocent victims of civil war." pic.twitter.com/eBhN2O24oh
— Christopher Miller (@ChristopherJM) July 17, 2015
Сёньня — у гадавіну трагедыі — тут адбудзецца жалобнае шэсьце, а ў мясцовай царкве адслужаць набажэнства.
Па паведамленьнях СМІ, жыхары Грабава спадзяюцца на фінансавую падтрымку ўладаў Малайзіі і Нідэрляндаў, каб усталяваць паўнавартасны помнік загінулым.
Памяць ахвяраў трагедыі ўшанавалі сёньня ў Аўстраліі і каля амбасады Нідэрляндаў у Кіеве.
Біля посольства Нідерландів у Києві поминають тих, хто рік тому загинув у катастрофі MH17. http://t.co/eYxgO0nyuE pic.twitter.com/kjrCP7bL0N
— BBC Україна (@BBC_ua) July 17, 2015
17 ліпеня 2014 года ў небе над Данецкай вобласьцю быў зьбіты пасажырскі самалёт Боінг 777 малайзійскіх авіяліній, які выконваў рэйс Амстэрдам — Куала-Лумпур. Усе 298 чалавек, якія знаходзіліся на борце загінулі. 196 з іх — галяндцы.