Прэм’ер-міністар Італіі Матэа Рэнцы паведаміў журналістам, што лідэры ЭЗ правядуць саміт яшчэ ў нядзелю, каб зацьвердзіць плян дапамогі Грэцыі, калі крэдыторы будуць задаволеныя прапановамі Атэнаў.
«Мяч на баку Грэцыі» — сказаў Рэнцы.
Канцлер Нямеччыны Ангела Меркель, якая па прыбыцьці ў Брусэль заявіла, што няма ніякіх падставаў для перамоваў з Атэнамі, падчас саміту зьмяніла тон і актыўна ўдзельнічае ў намаганьнях па пошуку рашэньня, паведамілі крыніцы Reuters.
Паводле экспэртаў, калі Грэцыя не атрымае міжнародную дапамогу, грэцкія банкі маюць грошай толькі на два дні працы.