Ніводзін з кандыдатаў пакуль не зарэгістраваўся ў ЦВК

І на другі дзень выбарчай кампаніі ніхто з патэнцыйных кандыдатаў на пасаду прэзыдэнта не падаў у Цэнтарвыбаркам сьпісы сваёй выбарчай каманды. Руплівец беларускай мовы з Магілёва Валадар Цурпанаў прайграў суд гарадзкой лякарні, якая не ўзяла яго на працу зваршчыкам. Пры тым, што гэтую вакансію актывісту прапанавалі ў службе занятасьці. Украіна пачынае правядзеньне канстытуцыйнай рэформы, якая прадугледжваецца менскімі дамоўленасьцямі. Адбудзецца пэўная дэцэнтралізацыя ўлады. На думку палітолягаў, рэформа адбываецца пад націскам Масквы і Брусэлю.