У Менску прайшла прэзэнтацыя ўнікальнай кнігі пісьменьніка Ўладзімера Арлова. Выданьне «Patria Aeterna» адметнае тым што яно выйшла на беларускай лацінцы.
У новай кнізе прадстаўленая проза Ўладзімера Арлова, якая раней ужо друкавалася кірыліцай. Цяпер жа — беларускай лацінкай, якую пісьменьнік вырашыў папулярызаваць.
Назва кнігі перакладаецца з лацінскай мовы як «Радзіма вечная».
На прэзэнтацыі ў менскай галерэі «Ў» Уладзімер Арлоў падпісваў чытачам свае кнігі — таксама лацінкаю.
Прэзэнтацыя адбылася ў межах заключных заняткаў курсаў «Мова нанова».
Вокладка кнігі
Аўтар раздае аўтографы
Уладзімер Арлоў выступае падчас прэзэнтацыі