Пра гэта палітык заявіў Радыё Свабода.
Адказваючы на пытаньне, хто будзе наступным лідэрам кампаніі пасьля добраахвотнай адстаўкі Ўладзімера Някляева і ці будзе сам Дзьмітрыеў вылучацца на гэтую пасаду, Андрэй Дзьмітрыеў сказаў:
«„Гавары праўду“ стваралася не пад асобу, а аб’ядноўвала людзей, якія лічыць, што ў Беларусі павінны быць перамены... У гэтым сэнсе нічога не мяняецца. Сыход спадара Някляева ня зьменіць нашы базавыя рэчы...
Узначаліць такую структуру — гэта вялікая адказнасьць, тым больш напярэдадні прэзыдэнцкіх выбараў. Будзе зьезд, будзем выбіраць, і я буду вылучацца на кіраўніка арганізацыі».
Поўны тэкст перадачы «Экспэртыза Свабоды», у якой адстаўку Някляева абмяркоўвалі Андрэй Дзьмітрыеў і старшыня БНФ Аляксей Янукевіч, чытайце пазьней на нашым сайце.