У Маскве адбылося жалобнае шэсьце памяці Барыса Нямцова, забітага ў цэнтры горада ў пятніцу вечарам.
Арганізатары ацанілі колькасьць удзельнікаў у некалькі дзясяткаў тысячаў чалавек. Над калёнамі цягам акцыі кружыў верталёт.
Удзел у акцыі ўзялі шэраг вядомых палітыкаў, грамадзкіх актывістаў, артыстаў.
Скончылася акцыя ўскладаньнем кветак да месца, дзе быў забіты Барыс Нямцоў.
Назіральнікі называюць шэсьце адной з самых шматлікіх акцыяў расейскай апазыцыі за апошнія гады.
Радыё Свабода вяло жывую трансьляцыю з маршу.
Большие очереди на рамках, думаю, около 10000 не прошли еще pic.twitter.com/uQN3D4FFRg
— Ilya Varlamov (@varlamov) March 1, 2015Акцыя памяці Барыса Нямцова прайшла сёньня таксама ў Менску
Два дзясяткі чалавек ушанавалі памяць забітага палітыка Барыса Нямцова ў Менску. Удзельнікі акцыі ўсклалі кветкі і запалілі зьнічкі ў памяць забітага Барыса Нямцова.
Акцыя памяці Нямцова — каля пасольства Расеі ў Менску ФОТАГАЛЕРЭЯ
У Кіеве ўчора ўсклалі кветкі да расейскай амбасады:
Кіеў. Кветкі і плякаты ў памяць пра Барыса Нямцова
Акцыі памяці Барыса Нямцова прайшла ў Пецярбургу, Хабараўску, Екацярынбургу, Томску, Навасыбірску.
У Варонежы прыхільнікі руху «Антимайдан» спрабавалі сарваць жалобнае мерапрыемства. Кіраўнік рэгіянальнага аддзяленьня «Партыі прагрэсу» Анатоль Краўчанка паведаміў у твітэры, што на акцыю прыйшлі людзі ў форме казакоў з імпэрскімі сьцягамі і плякатам у падтрымку ДНР.
Удзельнікаў акцыі памяці Нямцова, паводле Краўчанкі, закідалі зялёнкай. Паліцыя ў тое, што адбываецца, ня ўмешвалася.