Па факце самападрыву ў Бабруйску заведзена крымінальная справа па частцы 2 артыкулу 295 (набыцьцё і захоўваньне выбуховага прыстасаваньня) Крымінальнага кодэксу, паведамляе сайт Сьледчага камітэту Рэспублікі Беларусь.
Your browser doesn’t support HTML5
«Усю ноч на месцы здарэньня працавалі сьледчыя ва ўзаемадзеяньні з супрацоўнікамі органаў унутраных спраў, спэцыялістамі Дзяржкамітэту судовых экспэртыз і Міністэрства надзвычайных сытуацый. Прыцягнута перасоўная крыміналістычная лябараторыя УСК па Магілёўскай вобласьці.
Іншых загінулых і пацярпелых няма. Вызначана, што самападрыў зьдзейсьніў 59-гадовы жыхар Бабруйску.
З паказаньняў відавочцаў вынікае, што каля 20.30 загінулы, будучы ў стане алькагольнага ап’яненьня, заходзіў у краму «Кошык», разьмешчаную на вуліцы Батава, дзе набыў сьпіртныя напоі. Пасьля гэтага зайшоў за краму, дзе праз пару хвілін адбыўся выбух.
Прызначаны шэраг экспэртыз, у тым ліку судова-мэдычная і крыміналістычная па выбуховым прыстасаваньні,— паведамляе Сьледчы камітэт.