Прэзыдэнт ЗША Барак Абама і канцлер Нямеччыны Ангела Мэркель абмеркавалі ў аўторак падчас тэлефоннай размовы сытуацыю ва Ўкраіне.
Лідэры дзьвюх краін выказалі занепакоенасьць з нагоды «значнага росту гвалту», паведамляецца ў заяве Белага дому.
Барак Абама і Ангела Мэркель пагадзіліся з тым, што Расея павінна несьці адказнасьць за падтрымку сэпаратыстаў на ўсходзе Ўкраіны і невыкананьне сваіх абавязацельстваў у рамках Менскіх дамоўленасьцей. Лідэры дзьвюх краін таксама казалі пра важнасьць хутчэйшага завяршэньня падрыхтоўкі «важкага пакета фінансавай дапамогі» Ўкраіне.
Гутарка двух лідэраў адбыўся праз некалькі гадзін пасьля таго, як кіраўнікі краін-сябраў Эўразьвязу далі ўказаньне міністрам замежных спраў разгледзець магчымасьць увядзеньня новых санкцый супраць Расеі. Такім чынам Эўразьвяз адрэагаваў на новы наступ прарасейскіх баевікоў у Данбасе.