Сустрэча кантактнай групы па мірным урэгуляваньні канфлікту на ўсходзе Ўкраіны заплянаваная на 15 гадзін.
Як паведамляе «Інтэрфакс» са спасылкай на прадстаўніка данецкіх сэпаратыстаў Дзяніса Пушыліна, парадак дня сустрэчы ў Менску застаецца ранейшым і ўключае ў сябе чатыры асноўныя пытаньні.
«Сустрэча пацьвярджаецца, прынамсі, на дадзены момант. Пачатак заплянаваны на 15 гадзін. Парадак ранейшы. Гэта чатыры пытаньні: адвод артылерыі і сродкаў залпавага агню на бясьпечную адлегласьць ад лініі судакрананьня, абмен палоннымі, зьняцьцё эканамічнай блякады Данбасу і ўвядзеньне ў дзеяньне Ўкраінай закону пра асаблівы статус Данбасу», — сказаў Дзяніс Пушылін.